Sonntag, 7. September 2014

Gwungan - Vastehst Mi?!


http://www.christophschlagbauer.com/2014/09/gwunngan-vastehst-mi.html
Servas, griaß eich Leit‘n, i bin‘s wieda da Marco… a na, deis woar wer onders… owa i hom ma docht, wenn deis Ouststeirische „Böln“ momentan im Soschal Midia sou guat aukummt, geh i do mitn Flou und schreib a a Mol sou wias ma ausn Mund gwoxn is – pass‘nd zu am steirisch‘n Triathlon (vasteingan mi die Nochbarn ba mia dahoam a bessa).


S’wichtigsti klei voraus… Steirischa Triathlon – Steirischa Preis. Noch’n Kernöl in Piebastoa, hot’s fia deis, dass i gestan gwungan hob a nei‘ Leiderni geib‘n. Do schaut’s hea:

Sist gib’s nitta sou vül z’vazöhln: Gsoacht hots wiada wia Sau. Just bam, oder nochn schwimman holt hot’s augfaungan. N’gounzn Dreick va da Stroßn (Und va die Rouss-Viecha in St. Nik’lai) hot’s an in die Gosch’n ghaut – vahungat und vadurscht samma sölm holt net. Wexlzone Gatsch, Laufsteckn Gatsch, olls Gatsch owa eh nix neigs. Gib sicha irgenda Bauanregl wiasou der Summa sou schiach is. Owa sou bist deis als Starta scha olls gwauth… ba mia hots heia holt fost imma prunzt wia i gstart bin - und sist woas haoß!
Auffi am Goabn
Owa vom Goabn




















Asou… zwecksn dazöln war’s gwen… Sölm… Zerscht muass i mi fost entschuldigen ba die longsameren Schwimma bam Sprint… iwa die samma nämlich a bissl driwaradiert iwa eich und taucht hob i a oa, zwoa bam iwarunden… kau ma nix mochen, irgendwia wüll ma holt a aussi aus dem triabn Saftl. Bam Radln woa i gor scha Mol zweita… hob dann aba bissl aussanehma mian, wal i bissl miad wor va die gonzn Rennen und vam Training die Tog zvor, owa wurscht Rennan is nou loung… drum bin i nua (fia eich Kärntna: deis hoaßt „lei“) als dritta owa vam Goabn. Bissl an Schoutta und an Dreick howi dounn mit einizaht in’d Laufschuach… owa wurscht – zum aufhuln is! Woa a wengl lustina lafn wemma vorhea nit oll aut gmocht hot am Goabn. Do hon i nou gscheit aufhuln und an Vorsprung aufn Deitschn undn Kärntna aussahuln kennan… sou hianz wissts wiasou i so deppat schreib… do kemma iwa die Deitschn schimpfn und sei vasteignans nit… Miaßt eich vorstölln, der varuckte Hawi hot heit (oan Tog nocha am Sundi) in Podersdorf (do untn ba die Wüldn) den nextn Sprint gmocht und gwungan. Teifl eini, Hund is stoak. Und da nexte is da Wihilidal Nikou so… der hot am Soumsti n Sprint in da Süd-West-Steia gwungan und heit d’Olympischi bam Neisiedla See. Bravo Buam, Sauwa!
Und wos tua i… i sitz mitn Lava-Stoa-Kissn vor dem Heifn umma und schreib an Schaß, wal i ma gestan s’Kreiz vakialt hon bei dem Sauweitta… Morgn oftn wieda einischeifn am Goam, in da Kloa-Suppn und in Laufschuah.. hoffentli wird dies Klump wieda truckn ;-)

Wos holt hianz wirklich kammout is, i muass deis net olls nomol durchleisn und schau ob i Rechtschreibföhla gmocht hob :-)

Ergebnislist’n >>
Völi schod ums guati Bia

Poust >>
D'Kloani hot a scha wos owagschriebn